15萬年薪低門檻入lounge卡!1蚊換雜誌!八仔自動增值$6/里 - 交通銀行銀聯雙幣鑽石卡

«

»

Nov 18

15萬年薪低門檻入lounge卡!1蚊換雜誌!八仔自動增值$6/里 – 交通銀行銀聯雙幣鑽石卡

Samsonite Brand 全線牌子及產品 9折優惠代碼:"flyformiles"

去旅行唔想plan?去Klook訂購景點門票/交通/WiFi/特色體驗啦!

今次同大家介紹交通銀行銀聯張雙幣鑽石卡。以銀聯黎講呢張卡就點都勁唔過交行銀聯架啦,但佢就勝在門檻低,15萬年薪要求已經可以入香港環亞lounge,而且可以用1蚊換到本$15雜誌!而且每次簽$300以上,就可以有$6/里,八仔自動增值都有!唔夠年薪申請東亞Flyer WorldDBS Black Master既fans就可以考慮下呢張卡啦!

Screen-Shot-2015-11-19-at-4.14.03-am

本地簽賬:$1= 1分 / $12 = 1里

($300以上) $1= 2分 / $6 = 1里

海外簽賬(免手續費):$1 = 1分 / $12 =1里
($300以上) $1= 2分 / $6 = 1里

內地簽賬(以人仔結算):$1 = 1分 / $12 =1里
($300以上既飲食或酒店簽費) $1= 2分 / $6 = 1里

自動轉賬繳交賬單:$1 = 1分 / $12 =1里
($300以上) $1= 2分 / $6 = 1里

網上繳費賬單:0

其他網站網上購物:$1 = 1分 / $12 =1里
($300以上) $1= 2分 / $6 = 1里

八達通自動增值:$1 = 1分 / $12 =1里
($300以上<–即係揀每次增值500蚊) $1= 2分 / $6 = 1里

分期簽賬(唔係指同銀行做分期):$1 = 1分 / $12 =1里
($300以上) $1= 2分 / $6 = 1里

積分有效期:開卡後既5年內,每5年一個cycle,即係就算你係第4年簽都係第5年到期

兌換亞洲萬里通手續費:100蚊一次,一次最少換500里

年薪要求:15萬

迎新優惠:同時成功申請銀聯雙幣鑽石卡及VISA白金信用卡主卡,於每張新卡發出日期起3個月內,分別以每張卡簽4,500元,就有60,000積分,即係5,000里。

積分會於簽夠之後6星期內分別以各30,000積分存入銀聯雙幣鑽石卡及VISA白金信用卡內。若申請人只有其中一張新卡達到簽賬要求,亦可獲30,000分。

所以即係簽$9,000有5,000里;簽$4,500有2,500里。但注意積分分兩張卡入的話,就即係要俾兩次錢換里數。

其他優惠:
1. 於機場經緯可以$1換取價值$15既雜誌,$15以上自己補錢就得
2. 憑銀聯鑽石卡,於2017年12月31日前可免費享用香港或澳門既環亞機場貴賓室3次
3. 只需每年(即每年1月1日至12月31日) 憑白金信用卡消費達以下指定金額,便可於下一年度免費享用Priority Pass全球機場貴賓室服務。免費使用貴賓室服務詳情如下:

全年消費金額( HK$) 下一年度免費使用貴賓室服務次數
 HK$50,000至HK$99,999 3次
 HK$100,000至HK$149,999 5次
 HK$150,000或以上 8次

4. 憑銀聯鑽石卡,每簽賬$2,000即可俾$250享用轎車服務1次,包括香港市區<->香港國際機場、上海市區<->虹橋浦東、北京市區<->北京首都機場、香港市區<->深圳機場

5. 夏日至cool多重獎:

階段一:7月15日至8月14日
階段二:8月15日至9月14日
階段三:9月15日至10月14日

「密密簽」

目標每個階段累積合資格簽賬滿簽賬獎賞
銀聯雙幣信用卡VISA卡
1HK$5,000 – HK$9,999.9915,000獎賞積分 (額外1,250里)12,500獎賞積分 (額外1,041里)
2HK$10,000 – HK$29,999.9945,000獎賞積分 (額外3,750里)30,000獎賞積分 (額外2,500里)
3HK$30,000或以上150,000獎賞積分 (額外12,500里)100,000獎賞積分 (額外8,333里)
3個階段合共最多450,000獎賞積分 (額外37,500里)300,000獎賞積分 (額外25,000里)

「連環賞」

每個推廣階段累積合資格簽賬滿簽賬獎賞
銀聯雙幣信用卡VISA卡
HK$5,000或以上20,000獎賞積分 (額外1,667里)10,000獎賞積分 (額外833里)

登記熱線:3977 6211 (7月17日09:00開始登記)

 

優點:
1. 絕對好正,只要係300蚊以上,就可以有雙倍分,即係6蚊1里拍得住DBS Black Card
2. 換里數都好平,只係100蚊一次
3. 年薪要求低,15萬就搞惦
4. 海外簽賬免手續費,呢下真係冇得輸
5. 15萬年薪就可以申請張卡入環亞lounge
6. 可以用1蚊換雜誌

缺點:
1. 迎新優惠唔吸引,唔簽都罷
2. 繳費無冇分
3. 內地簽賬反而係淨係得飲食同酒店有雙倍分

 

注意:

1. 獎賞積分﹕(1)本港購物簽賬及八達通自動增值交易可計算獎賞積分,不計算獎賞積分之交易包括提現、信用額套現/簽賬分期供款、結餘轉戶金額、強積金/自積金供款、所有經本行網上銀行繳費服務交易、購買賭場籌碼、購買旅行支票、所有信用卡收費繳款(例如:年費,財務收費等)及銀行不時指定之信用卡交易。

(2) 不計算獎賞積分之內地交易包括內地購買物業、汽車、機票、燃油、批發、超市交易、支付醫院費用、繳交學費的交易及銀行不時指定之信用卡交易。(即係用人仔買機票係冇分架!咪豬仔用佐黎買春秋呀!)

 

小斯絕對推介呢張卡,呢張卡除佐係一張銀聯卡同埋冇得繳費之外,真係絕對冇得輸,積分仲可以放成5年,真係好鬼抵!換里數又係先100蚊,而且八達通自動增值可以做到6蚊1里,勁過DBS Black Master添!但小斯覺得呢張卡最大既用途,就係15萬咁低既門檻就可以申請黎入環亞lounge,都唔錯呀!

申請網址:https://eb.bankcomm.com.hk/webCCApply

入lounge登記網址:www.unionpaypremium.com.hk/loungebooking


*******************************************************************************************************
like佐我Facebook未呢?
like完都仲要記得set返get notification先可以收到我既即時資訊架!

mReferral

222 comments

Skip to comment form

  1. lkh

    你好~
    我而家有富邦, 又有上商
    其實係咪都可以申請埋呢張

    星期六,日: 富邦
    平日300以下: 上商
    平日300以上: 呢張?

    1. 小斯

      係可以咁,但係其實申請DBS Black Card會係更好
      因為ae比起銀聯更加流通〜

  2. lee

    你好,
    我想問用邊張卡去海外簽賬又唔駛比手續費,又可以賺里數呢??
    THANKS:)

    1. 小斯

      唔想俾手續費就要用銀聯卡啦
      小斯都推介交行呢張

  3. Vina

    請問如果 HSBC張銀聯D 分係唔係都係同其他匯豐卡計法一樣?
    同埋多唔多商店接納? Thanks : )

    1. 小斯

      一樣呀~ 但係銀聯就真係唔係咁多商店都接納呀=0=

  4. Steve

    點解我去交行申請時 佢話冇300蚊以上雙倍分(八百通增值)既@@?

    1. 小斯

      我之前打過去話有架喎

  5. Derek Poon

    以我現時的持卡狀況, 應該申請此卡?
    現有:
    1. DBS BLACK MASTER
    2. 渣打AE
    3. DBS BLACK AE
    4. CX AE
    5. 上商TITANIUM MASTER
    6. 富邦TITANIUM MASTER
    7. 東亞PLATINUM VISA
    8. HSBC GOLD VISA

    1. Derek Poon

      另外, 本人計劃在1/2-1年後, 只KEEP部分卡, 應該KEEP邊幾張, 作以下用途?
      1.日常本地消費:
      2.網上繳費:
      3.自動轉賬:
      4.八達通增值:
      5.網上買機票:
      6.網上購物:
      7.食肆簽賬:
      8.買戲票(A: UA, B: MCL, C: THE GRAND, D:百老匯院線)

  6. Derek Poon

    請問此卡是否批核十分快?

    1. 小斯

      唔知

    2. Derek Poon

      Application failed.

      1. 小斯

        why

      2. Derek Poon

        應該再嘗試申請此卡? 此卡是否十分值得擁有?

        1. 小斯

          你自己覺得值咪值囉

        2. Derek Poon

          申請已經獲批……

  7. edwin

    你好
    想問此卡批合嚴嗎? 本人底薪年薪岩岩唔過140k 1年 但係公司ot 有補水, 審批會否consider埋 ot$?
    thx

    1. 小斯

      你糧單上面有冇show你補水個啲嘢?
      有既就得架啦

      1. edwin

        但係之前申請渣打ae+白金卡(年薪要求150k), 糧單有show OT補水, 都淨係批到金卡ja T.T
        渣打批卡會否嚴d?

        1. 小斯

          why!!!!!渣打批卡出佐名鬆架!
          我讀書個陣佢都係批我白金卡架=0=
          你會唔會係漏交佐D文件呀?

          1. edwin

            T.T 我都唔知…
            如果我申請左呢張銀聯批左金卡, 之後加人工可否upgrade翻diamond

            同埋我只係想用黎增值八達通, 有無其他卡suggest?
            如果批左金卡, 12$/mile 應否使用? 定係揀其他有現金回贈既card?

            many thx!!

          2. 小斯

            加人工後可upgrade既
            用黎增值八達通就用上銀, citibank或者東亞啦!
            批佐金卡不應照用!!!

          3. edwin

            上銀:
            卡戶每轉換1,000「亞洲萬里通」里數,須繳付HK$10/RMB10手續費。每次轉換手續費最低收費為HK$100/RMB100,最高為HK$500/RMB500,有關費用將由持卡人信用卡帳戶內扣除。

            咁姐係我要簽8萬蚊先唔會虧左HK$100手續費?
            同埋上銀積分only valid for 2 years?

          4. 小斯

            yes 2 years only
            所以東亞會好D
            有冇睇呢個post?
            http://flyformiles.flyday.hk/?p=860

  8. Derek Poon

    請問如果要做分期付款, 應該用那一張卡較為抵?
    1. 交行銀聯鑽石卡
    2. DBS BLACK MASTER
    3. CITIBANK PREMIERMILES

    1. 小斯

      1。

    2. Derek Poon

      第2次申請中……, 希望交行可以批卡……
      另外, 此卡是否可以代替CITIBANK PRESTIGE?

      1. 小斯

        唔得

      2. Derek Poon

        wny wny此卡不能代替CITIBANK PRESTIGE?

        1. 小斯

          銀聯其實唔係好多地方都用到架

        2. Derek Poon

          我見很多商店均收銀聯……

  9. kelly

    自動轉賬繳交賬單:$1 = 1分 / $12 =1里
    ($300以上) $1= 2分 / $6 = 1里

    我想問”$300以上”係單一賬單計定果個月全部自動轉賬賬單夾埋計?

  10. kelly

    自動轉賬繳交賬單:$1 = 1分 / $12 =1里
    ($300以上) $1= 2分 / $6 = 1里

    唔好意思,
    我想問”$300以上”係單一賬單計定果個月全部自動轉賬賬單夾埋計?

    1. 小斯

      Hi! 單一繳費呀

  11. Derek Poon

    HI, 小斯,

    交行銀聯鑽石卡申請已批, 現更新用卡次序:
    以下用卡次序可行? 有沒有要改善之處?
    日常消費:
    1. DBS BLACK MASTER
    2. CITIBANK PREMIERMILES
    3. 交行銀聯鑽石卡
    分期:
    1. 交行銀聯鑽石卡
    2. CITIBANK PREMIERMILES
    八達通增值:
    1. 東亞白金VISA
    繳費:
    1. 富邦TITANIUM MASTER
    2. 東亞白金VISA
    3. 上商TITANIUM MASTER
    海外消費:
    1. 富邦TITANIUM MASTER
    2. DBS BLACK MASTER
    3. CITIBANK PREMIERMILES
    4. 建行EYE*
    5. 交行銀聯鑽石卡
    特別用途:
    -飲茶 / 食飯:
    1. HSBC GOLD VISA
    2. 富邦TITANIUM MASTER (星期日>$600)
    -網上買機票 (國泰):
    1. 建行EYE*
    2. CX AE
    -UA院線: 東亞白金VISA
    -MCL院線: 東亞白金VISA
    -THE GRAND CINEMA: 渣打AE
    -百老匯院線: AE PLATINUM CREDIT
    -美心食晚飯: AE PLATINUM CREDIT
    -超級市場 / 百貨公司: CITIBANK REWARDS
    -收費電視 (有線) AUTOPAY: CITIBANK REWARDS

    *=審批中……

    Derek

    1. Derek Poon

      以上信用卡組合, 有沒有要改的地方?

  12. kk

    小斯.

    呢張似乎不錯, 岩晒我呢d, 長期在國內的人,
    要求不太過,又不用年費.
    等我攻關一下先.
    想問問有無得email申請?
    通常星期六先回港
    謝.

    1. 小斯

      你可以將份form寄過去
      http://www.bankcomm.com.hk/mediafiles/documents/CUPAppform.pdf

      1. kk

        已交資料, 應該好快批.
        想問下 外幣簽帳 免手續費是怎回事?
        另已經用緊 大新master,
        已經有5w分, 應該好快可去bora bora,
        你既IC BORABORA 幾時出.
        我IHG GA, 7W分等緊你.
        THX! FB LIKE 左10次..:)

        HAPPY BIRTHDAY TO BOTH U AND ME 4-23

        1. 小斯

          想問下 外幣簽帳 免手續費是怎回事? 用visa master個D簽外幣要有1.95%手續費, 但係用銀聯就冇

          happy birthday to you too XD

  13. ED

    小斯,如果我7月去日本,咁申請呢張定用富邦好?
    因為我剛打去富邦問換分些野,佢言語間話asia miles做到6月30日,佢叫我係6月30日前一個星期要寄表換晒佢~~~

    1. 小斯

      係呀 但講真我唔覺得富邦之後唔會同ASIA MILES做PROMOTE囉!
      同埋富邦係日本消費有8倍分, 真係抵勁多, 就算唔換里數換錢, 計返都有成4%回贈
      點都係用佢啦!

      1. Ke

        小斯

        我剛剛去了澳門玩
        酒店用了交銀,交銀RATE 還好103MOP=100HKD
        食飯用了富邦,富邦RATE 真差的沒朋友, 張單MOP1309 折左之後HKD1303.95,最後今天網上交數,佢竟然是1314.48.唔知係唔係果1.95%….但真好差….

        1. 小斯

          點解你mop會知港紙價?

          1. paypay man

            我估計1303.95係dcc….而1314.48就係海外簽帳,收0.8%手續費。。。o曬嘴。。。要收0.8%

  14. Alex

    請問尼張卡免年費??我見佢申請表寫鑽石卡1000/年,定係要打去waive? thx

    1. 小斯

      呢張卡waive到既

  15. yee

    hi小斯,我都係睇到新聞先走去search你呢個blog,就研究左成日啦⋯好似發現左新大陸咁
    不過其實我消費唔多,想申請張交銀用黎做八達通自動增值同自動轉賬保險費,不過我既年薪爭小小先夠十五萬,唔知大唔大機會申請到呢?

    1. 小斯

      Just try
      補多啲資產做support

  16. Soooo

    小斯,我想問用呢張交行卡做八仔自動增值,300以上$6=1里,係咪因為雙倍積分先咁平?如果無雙倍就$12=1里?
    咁會唔會暫時有雙倍,遲d就無左?
    (因為我本身係無交行卡,只想申請來for八仔自動增值,加上我本身用緊DBS來增值都係$12=1里,轉銀行都要手續費,所以想問清楚先決定是否申請交行卡)

    謝謝^_^

    1. 小斯

      係咪因為雙倍積分先咁平?如果無雙倍就$12=1里? YES

      咁會唔會暫時有雙倍,遲d就無左? -_- 我唔係天文台 hahahahahahah 唔知>< 但應該keep住都有既:P

  17. JAYCEE

    (1)係咪可以一次過申請曬上海商業銀行(白金/鈦金)信用卡 +上商保良局鈦金, 碌曬8000元, 咁就拎曬8000里數, or只可以攞其一張的優惠?

    (2)八達通自動增值係咪交行銀聯6元一里最抵? 定仲有其他信用卡抵d?
    (3)DBS卡, 係咪CITI PM卡係無用? OR citi pm有其他好處/用途

    (4)我想問下我上網買野用美金找數, 係咪等於外幣簽帳? 富邦3元1里最好?
    (5) 富邦迎新禮品我用網上繳費2800以上, 都可以攞到迎新禮品嗎? Or一定要買野?

    thanks!

    1. 小斯

      1. 是但一張only
      2. 係, Prestige計埋年資獎賞仲抵
      3. citi pm 有lounge用姐
      4. 外幣, 富邦唔錯
      5. 一定要買野

      1. JAYCEE

        你好 小斯

        首先多謝你回覆先, thanks!

        我又有以下問題想問><

        1, 你話Citi pm卡有lounge用, 意思姐係只要有呢張卡就可以用到機場Lounge嗎? 定係要用citi pm換里數先有得用到Lounge?
        (如果剩係有citi pm就用到lounge, 我就申請啦XD)

        2, 我想問下亞洲萬里通個3年里數有效期係點計法? 係由網上申請左做會員, (0里數)就開始計有效期? 定係亞洲萬里通個戶口有里數先開始計有效期? (我依家亞洲萬里通戶口係0里數) 🙁

        THANKS!

        1. 小斯

          1. 意思姐係只要有呢張卡就可以用到機場Lounge嗎?
          YES 一年4次用香港果個, 呢到禁入去申請就得: http://flyformiles.flyday.hk/?p=141

          2. 我想問下亞洲萬里通個3年里數有效期係點計法?
          里數入落去account開始計

          1. JAYCEE

            謝謝你回覆 XD 我會申請CITI PM啦XD

            有問題到時再問你 THANKS SO MUCH!!

  18. Dave

    小斯你好!我見呢張卡增值八仔最so所以想申請,我想問佢有冇得幫其他人增值㗎?

    1. 小斯

      可以

      1. Dave

        Thanks小斯!

  19. EMMET

    批勁慢
    年薪夠 得一張DBS Card
    等左足足一個月話唔比囉 -_-

    1. 小斯

      =_=

  20. WWYY

    呢張卡海外簽係唔係最抵?因為冇charge?
    同埋一mile大概等於多少港紙?
    唔該晒 😀

    1. 小斯

      http://flyformiles.flyday.hk/?p=2085
      我自己計過就大約=1yen到

  21. JAYCEE

    小斯

    想問下交行白金信用卡 AND 鑽石卡, 其實換里數ge優惠有無分別??? 上銀行網睇好似換里數一樣優惠…

    會唔會白金個張好d?

    1. 小斯

      @@ 白金唔係銀聯卡喎

  22. vincent

    小c 如果我成日喺大陸簽卡 係咪呢張最抵呢?
    呢張係咪可以用pps找數?

    1. 小斯

      YES 可以呀

  23. Fly

    小斯你好,

    我現在CX AE尊尚咭 / 上商白金 / 渣打AE / 中銀白金+銀聯 / 恆生 / CITI REWARD
    DBS未過完冷河唔申請得,
    CITI 等緊夠一年就快CUT
    基本上中銀同恆生都唔用因為唔抵但SAVING戶口係到所以都會KEEP住
    消費模式通常網購多, 一般以美金結算,
    係咪用CX AE最好? 定應該用上商白金呢?
    嚟緊會去日韓, 係咪開張交行銀聯會好過用返中銀銀聯呢?

    1. 小斯

      網購多?????? 咁應該係用建行eye card呀^^

  24. yan jai

    想問下佢交行另外張白金卡抵唔抵用??? 換miles係唔係同呢張一樣??

    1. 小斯

      唔抵唔抵

  25. leung

    Hello,

    如果主要唔係想儲ASIA MILE, 多數用於日韓海外簽帳, 呢張定其他銀聯卡較好??

    Thank you!

    1. 小斯

      想儲現金回贈嗎???
      HSBC visa signature
      然後再放晒落海外簽賬就最抵

      1. leung

        Thank you 小斯~

        聽人講去日韓用銀聯卡個rate會好D, 想申請返張旅行用. 但我無特別儲開Asia Mile, 所以想問下有冇其他銀聯卡較好 e.g. 折扣優惠 / 較低匯率 / 迎新優惠, etc. thank you!

        1. 小斯

          交行銀聯
          簽夠300蚊以上仲有雙倍分

  26. San

    交通銀行 “仁濟銀聯雙幣鑽石卡” 係咪一樣 terms ga?

    1. 小斯

      一樣

  27. V

    小斯 點解d人話喺大陸用銀聯卡冇俾現金咁抵既? 銀聯個rate唔係正過d找換店既rate既咩?

    1. 小斯

      你個D人係咩人黎XD 我都唔明點解唔抵喎XD
      個rate差唔多
      但係有分儲喎

  28. V

    小斯 如果喺內地經常有D小額消費(唔夠300) 係唔係都係用呢張最低? 冇其他選擇?

    另外想問問 如果係淘寶買野 用邊張卡好呀?

    1. 小斯

      唔係,用富邦或者揀佐大陸簽賬既最紅自主獎賞HSBC最抵

      1. V

        HSBC吧 MASTER喺大陸…. 唉…..
        想問下 係咪有銀聯LOGO的地方 都可以用銀聯信用卡? 定大部份地方其實都係淨係可以用銀聯銀行卡嫁? 同埋用銀聯信用卡 洗唔洗打密碼嫁? 我淨係知銀聯銀行卡要^^”

        1. 小斯

          係咪有銀聯LOGO的地方 都可以用銀聯信用卡?
          –>係

          定大部份地方其實都係淨係可以用銀聯銀行卡嫁?
          –>唔是

          同埋用銀聯信用卡 洗唔洗打密碼嫁? 我淨係知銀聯銀行卡要^^”
          –>係大陸簽通常都會叫你輸入密碼,但係你無理由係條街到大大聲同人講你沒密碼架嘛,咁咪即係叫人偷你張卡,所以你是但打晒0就ok

          1. V

            岩岩打左去HSBC 張卡要要用人民幣找數 太麻煩啦
            我想申請張銀聯卡係可以用人民幣簽賬 用港幣找數(用PPS) 咁你推薦邊張呢? 我見渣打可以 不過好似唔多扺玩

  29. lok

    去日本簽呢張定富邦好
    係咪有5%DISCOUNT就銀聯?
    無就用富邦?

    1. 小斯

  30. Nat

    想問甘多間銀行既cup card,係咪喱張最出得過?thx:)

    1. 小斯

      呢張我都係比較推介既

  31. Casi

    想問下小斯
    如果申請呢張只係諗住8仔自動增值
    係咪有D多餘呢
    因為平時消費有DBS black master (8仔得12蚊1里真係唔抵)
    之前唔夠快+唔夠年薪申請東亞flyer
    好似冇其他選擇

    1. 小斯

      係好多餘,但真係無其他選擇

      1. Casi

        咁小斯你建唔建議APPLY呢張呢?
        定係用住dbs果張做8仔自動增值先, 再等下其他更有用卡出做8仔優惠呢?

        1. 小斯

          apply呢張啦
          1. 8仔係唔會有優惠
          2. 就係呢張做8仔增值同dbs差成2倍咁制

  32. Kiwi

    係歐洲英國簽賬,銀聯卡邊張卡最好?要年費嗎?thanks!

    1. 小斯

      都唔係架,例如你用啲比較著數既卡,例如fubon咁,扣返手續費都仲有2%回贈,會抵過用銀聯

  33. Mavis

    今年無得好似上年咁有10倍積分,好失望 >_<

    同埋樓下呢個之前問過,好似明年無喇喎,所以我先申請CX AE。
    3. 只需每年(即每年1月1日至12月31日) 憑白金信用卡消費達以下指定金額,便可於下一年度免費享用Priority Pass全球機場貴賓室服務。

    1. 小斯

      lol

  34. JJ

    請問update左咩野?

    1. 小斯

      我一直都無update過呢張卡 hahahah

  35. anrc

    Hi, 想問下 除左 citi reward 重有邊張自動轉帳電話費有回贈 or 草分, enjoy Card 可以草cash dollar ma?

    Thx!!! ;D

    1. 小斯

      零售簽賬(包括本地簽賬、自動轉賬、網上購物、分期,#為 DCC 須另付 0.8%手續費,注意 DBS Black Master 無手續費但無分 、渣打只有 master card 先收):
      (1.19蚊1里) *HSBC Visa Signature(最紅自主獎賞)要中6X類別 + 星期五簽
      (1.51蚊1里) *HSBC金卡/白金/Advance/Premier(最紅自主獎賞)要中6X類別 + 星期五簽
      (1.85蚊1里) *HSBC Visa Signature(最紅自主獎賞)要中6X類別
      (2.14蚊1里) 網上旅遊簽賬:*建行Eye Card(賞即飛3倍 + Eye card 5倍)
      (2.67蚊1里) 有底單既旅行簽賬 *上商銀聯
      (2.78蚊1里) *HSBC金卡/白金/Advance/Premier(最紅自主獎賞)要中6X類別
      (3蚊1里) 網上簽賬/Visa Paywave:*建行Eye Card(Eye card 5倍)
      (4.17蚊1里) *HSBC Visa Signature(最紅自主獎賞)要中是但一類
      (5蚊1里) *渣打AE
      (5蚊1里) #東亞Flyer World、#東亞顯卓理財World master
      (6蚊1里) #DBS Black World Master、DBS Black AE、Citi Prestige、*交行銀聯(單一簽賬$300以上)、CX Elite AE(美國運通國泰航空尊尚信用咭)、#*富邦Titanium/Platinum(星期六日單一簽賬$300以上)
      –>因為富邦簽多過600蚊以上可以抽獎一次,而且必中至少167里,所以係平日600至2000蚊簽富邦
      (7.5蚊1里) *渣打優先理財 (保險得1倍分,15蚊1里)
      (7.9蚊1里) *建行銀聯白金(15蚊1里) + *HSBC白金/Visa Signature/Advance/Premier (16.67蚊1里)
      – 同一筆數先用建行銀聯白金交再同HSBC白金卡找建行銀聯卡數,食兩家茶飯
      (8蚊1里) Citibank PM、*上商Titanium/Platinum/銀聯、CX AE(美國運通國泰航空信用咭)
      (12蚊1里)#*富邦Titanium/Platinum(唔係星期六日單一簽賬$300以上)
      (15蚊1里)#*渣打白金、*建行Eye Card(乜都唔中)
      (16.67蚊1里) *HSBC金卡/白金/Advance/Premier(乜都唔中個陣)

      最佳信用卡組合(截至24/8/2015) https://flyformiles.flyday.hk/2337

      enjoy Card 可以草cash dollar ma?
      可以

  36. Angela chan

    想請問如果我只係申請來八達通自動增值,又唔要個迎新,咁係咪唔駛同時申請張白金visa?
    Thx!

    1. 小斯

      唔使都得

  37. CAT

    Hi小斯!
    我年薪只夠申請CX AE普通卡,
    如果同交行呢張比應該apply邊張?
    主要想儲Asia miles同入lounge,
    謝謝!!!

    1. 小斯

      你facebook inbox問我呀,我再答你

  38. man

    hi 小斯
    請問我只係想入lounge,只申請銀聯鑽石,唔要visa白金ok ma?
    thx!!

    1. 小斯

      ok

  39. Lillian

    Hi 小斯 如果附屬卡可以入LOUNGE嗎?

    1. 小斯

      可以呀

  40. Tk

    想問吓有乜咭在日本簽賬免手續費

    1. 小斯

      銀聯

  41. Kri

    Hi你好
    想問已有citibank rewards,想攞番張銀聯for去日韓旅行簽(好多地方銀聯有so)同時8仔增值,應該攞呢張好定fubon好?但fubon沒有銀聯

    1. 小斯

      this

  42. Ting

    hi, i你好
    我2016年3月去日本, 想攞番張銀聯卡去買野, 請問邊張卡啱我? thanks!

    持有之信用卡:
    DBS Black Master ((差唔多所有消費都係用佢)
    BEA Platinum Visa
    Dah Sing Bank APITA UNY PIAGO Platinum Visa

    1. 小斯

      交行呢張啦

  43. John

    Hi, 小斯:

    雖然話喺日本簽銀聯無手續費,聽講話唔同嘅銀行其實都有charge, e.g. HSBC. 咁我應該用邊間銀行張銀聯呢? 同埋想問, 洗唔洗要銀聯鑽石定普通銀聯雙幣都夠呢?

  44. Boo

    Hi 小斯,

    我想申請一張可以儲AVOIS 既卡, 因為黎緊要人買野要碌7-8萬左右
    想搵張o岩既架食迎新, 同埋想轉東亞自動增值去另一張卡。
    我係咪應該申請交通銀行銀聯雙幣鑽石卡再CUT 埋張渣打union pay?

    我依家有
    cx ae, hsbc, 恆生muji, 渣打master + union pay+ 東亞 ( 呢張想唔要)

    thanks !

    1. 小斯

      avios無迎新食喎
      除非你申請ae白金

    2. 小斯

      轉東亞自動增值去另一張卡。 <-- this is the best why change?

      1. Boo

        我申請唔到AE 白金 門檻太高
        東亞係普通白金, 勁勁勁唔想要呢張

        其實我對AVOIS 唔熟, 唔知除左大新BA 果張仲有咩可以儲到

        1. 小斯

          email我問啦

  45. John

    Hi 小斯,
    請問申請銀聯加visa之後,八達通自動增值係唔係一定要揀用銀聯卡增值先可以有6蚊一里既優惠

    1. 小斯

      唔係 總知要300蚊以上

  46. YU

    小斯知唔知一年簽幾多先可免年費
    我見佢成千蚊年

    1. 小斯

      放心啦!一般都唔收架啦

  47. NY

    Hello 小斯,
    我本身有HSBC普通金卡, 渣打360 Rewards AE卡(係咪=依家嘅World miles卡?), & DBS Black card.
    平時有AE簽AE, 冇AE簽DBS, HSBC有promo 先簽。因就黎去歐洲,想申請張銀聯摼手續費, 請問你會推薦邊張?
    另外再帶張mastercard 旁身, 係咪都係DBS好過HSBC?
    聽人講銀聯冇手續費,但exchange rate 差D, 你有冇聽過?
    Thank you!!

    1. 小斯

      銀聯開上商
      dbs 好過hsbc

      聽人講銀聯冇手續費,但exchange rate 差D, 你有冇聽過?
      –>對!但因為無手續費嘛,所以相對都係平過用其他卡

      1. NY

        多謝解答!

  48. Peter Lau

    小斯,呢張卡係澳門簽係咪當海外簽賬?

    1. 小斯

      係呀!海外

  49. Shirley

    恕我愚昧@@我一直唔明小斯推介上商而唔建議用交銀(銀聯黎講)??
    上商: $8/里, 兩年積分有效, 最多到期幫你自動轉現金回贈..
    交銀: $6/里 (簽滿$300up), 5年積分有效, 岩晒我呢d消費唔高而且仲有其他卡儲緊..^^”

    1. 小斯

      交銀要簽300蚊以上先有6蚊

  50. RC

    簽2千就可有一次”轎車服務” , 包括香港市區香港國際機場、上海市區虹橋浦東、北京市區北京首都機場、香港市區深圳機場 —– 咁咪好抵!!?

    1. 小斯

      要俾250蚊 我打錯佐XD

  51. RC

    銀聯鑽石卡 — 2 千可布一次車去機場, o咪好抵? 如果在國內簽SUPER MARKET, 冇積分但可否計這2千呢?

    1. 小斯

      可以

  52. Rita

    請問想網上 book 外地 hotel, 要付美金,那張信用卡手續費最低?

    1. 小斯

      hsbc visa signature (揀外幣)
      or
      dbs black master
      or
      citi pm

  53. SinB Tang

    你好

    <>

    請問依家申請銀聯鑽石卡係咪應該冇得入環亞?

    1. SinB Tang

      因為見倒呢句 憑銀聯鑽石卡,於2016年2月29日前可免費享用香港或澳門既環亞機場貴賓室3次

      1. 小斯

        updated

    2. 小斯

  54. Ying

    小斯,條申請LINK唔WORK呀﹗
    另外,想申請一張銀聯卡去日本用。申請中銀定上商好?
    另另外,呢張係咪只有主卡先可以入lounge?附屬卡唔得?thanks!!!!!!!!!!!

    1. 小斯

      係呀!佢成個網死佐
      上商
      卡主同附屬卡都可以

  55. Victor

    附屬卡同主卡入 lounge 既次數係一齊計定分開計的?
    我試過搵佢網站啲條款但又無講喎….

    謝謝!

    1. 小斯

      一齊啦梗係!

  56. may

    唉~ 我由12月尾申請到宜家都未批丫, 催過二次都話未得~

    1. 小斯

      再催

  57. heyhey

    小斯 想請教一下
    如果只係for海外消費既銀聯卡 請問你推薦邊一張呢?

    1. 小斯

      渣打銀聯:https://flyformiles.flyday.hk/4644

  58. King

    想問下我去日本,好唔好申請尼張卡?

    1. 小斯

      用黎入lounge

  59. Tony

    小斯, 我已經申請左交通銀行銀聯雙幣鑽石卡, 尼緊打算用佢去日本消費, 洗唔洗俾手續費? 仲有, 可以賺 asia mile?

    1. 小斯

      no need
      can

  60. J

    小斯, 如果想出銀聯卡去海外旅行消費, 但又想儲asia miles, 請問你推薦邊一張呢? thanks!

    1. 小斯

      渣打銀聯:https://flyformiles.flyday.hk/4644

  61. SHAN

    小斯:

    想請問我申請咗交通銀聯雙幣鑽石咭,咁如申請埋附屬咭俾屋企人,咁佢哋係唔係都可以免費入lounge?

    1. 小斯


      用你啲quota

  62. KK

    淘寶過300是否都無雙倍積分?

  63. King

    我用這張交通銀行銀聯雙幣鑽石卡在國內消費, 還款要用人民幣嗎? 一般你會用什麼方式還款? 支票? 謝謝你^^

    1. 小斯

      要用人民幣呀
      用戶口啲人民幣還

      1. King

        可以用HSBC人民幣戶口來還嗎?

        1. 小斯

  64. Edith

    呢張好d 定創慶好d?

    1. Edith

      I mean unionpay diamond cards for both banks

      1. 小斯

        呢張

  65. Kim L

    我想問下如果我本身有張交通銀行但係仁濟醫院既銀聯卡…
    請問都可以入LOUNGE嗎?
    同用1蚊換到$15雜誌嗎?

    1. 小斯

      請問都可以入LOUNGE嗎?
      –>只要係銀聯鑽石就可以

      同用1蚊換到$15雜誌嗎?
      –>可

  66. Carmen

    想問下呢,哩張卡嘅附屬卡有無得免費入lounge? 係咪有埋priority pass?

    因為黎緊想帶人入lounge,本身自己有張cx ae附屬卡已可入環亞。 同廢事申請多張

    定只有cx ae先可以做到免費帶人入?即附屬或pp都得

    Thanks thanks 🙂

    1. 小斯

      有得免費入環亞lounge
      無priority pass

      總知你有兩張卡就兩個人入

      1. Carmen

        但兩張卡都係我0既名, 都可以用其中一張黎帶朋友入去?

        即係我手上有張CX AE 附屬, 我就FOR自己入, 然後申請到哩張交通銀聯後 (我0既名), 就可俾哩張我朋友入去LOUNGE (一齊入)? 係咪咁啊?

        THANKS THANKS

        1. 小斯

          條款上就唔得既!
          但只要你show到多過一張入到lounge既卡俾職員睇
          咁職員都會以一張卡一個人入既原則俾你免費入
          但當然唔係一定得啦
          因為只係香港lounge比較鬆
          所以如果真係咁唔好彩唔俾你入都唔好發爛渣呀!

  67. Carmen

    有得免費入環亞lounge <~~ 想知附屬都得嗎?

    1. 小斯

      不可

  68. 呆子

    你好,小斯
    請問在內地簽帳用 港幣結算,計 海外簽帳還是本地簽帳@@?

    1. 小斯

      本地

      1. 呆子

        THANKS

  69. Eason

    小斯~
    我拎左交行銀聯鑽石卡之後先發現佢個網頁改左版….. (舊版網頁寫住永久免年費)
    咁宜家呢張卡係咪要俾年費?

    同埋佢個新網淨係寫海外消費$300以上先有兩倍積分
    係咪無左本地$300以上兩倍積分?

    Thanks~

    1. 小斯

      咁宜家呢張卡係咪要俾年費?
      –>實waive到啦!

      喺鑽石卡果個條款到:
      雙倍獎賞積分
      鑽石卡卡戶每次簽賬港幣1元或人民幣1元可獲1分獎賞積分。而每次於本港或海外(不包括國內交易)簽賬金額達港幣300元或以上或每次於國內「餐飲」及「酒店」商戶類別之簽賬金額達人民幣300元或以上,該筆簽賬可獲雙倍獎賞積分。

      註:(1)本港簽賬並不包括提現/簽賬分期供款、結餘轉戶金額、強積金/自積金供款、所有經本行網上銀行繳費服務交易、購買賭場籌碼、購買旅行支票、所有信用卡收費繳款(例如:年費,財務收費等)及銀行不時指定之信用卡交易。(2)獎賞積分不適用於內地購買物業、汽車、機票、燃油、批發、超市交易、支付醫院費用、繳交學費的交易及銀行不時指定之信用卡交易。

      (以上優惠並不適用於FWD富衛銀聯雙幣信用卡及仁濟銀聯雙幣信用卡之交易)

  70. Joy

    卡戶於即日起至2016年12月31日以全新申請之銀聯雙幣鑽石卡主卡同時申請「八達通自動增值」服務,並完成啟動及自動增值一次,可獲$100信用卡現金回贈

    請問小斯 係邊到可以睇到呢個promotion

    1. 小斯

      官網呀

      1. Joy

        我搵唔到條link
        打左去hotline問 Cs話無
        麻煩小斯 可唔可以分享多少少

  71. Kevin

    想問下呢張銀聯鑽石卡係每年可以入lounge 3次 定每張卡只可以入3次?
    每年度計定由開卡日開始計?

    thx~

    1. 小斯

      每張卡
      1/1 - 31/12

  72. Dennis

    Hey,我想申請銀聯鑽石卡,知不知下年2017 年,銀聯仲有無得免費入環亞Lounge?!

    1. 小斯

      唔知呀

  73. TB

    條申請link而家可以淨係申請銀聯雙幣唔駛加埋visa白金啦

    1. 小斯

      good

  74. Wong

    我同時有交行銀聯同cx ae 綠卡+coupon ,請問可以我可以帶多一位朋友入環亞lounge嗎?

    1. 小斯

      條款上就唔得既!
      但只要你show到多過一張入到lounge既卡俾職員睇
      咁職員都會以一張卡一個人入既原則俾你免費入
      但當然唔係一定得啦
      因為只係香港lounge比較鬆
      所以如果真係咁唔好彩唔俾你入都唔好發爛渣呀!

  75. yy

    憑銀聯鑽石卡,於2016年12月31日前可免費享用香港或澳門既環亞機場貴賓室3次
    只需每年(即每年1月1日至12月31日) 憑白金信用卡消費達以下指定金額,便可於下一年度免費享用Priority Pass全球機場貴賓室服務。

    岩岩批左卡未開通,咁依家姐係洗唔洗簽帳先入得?

    1. 小斯

      唔使呀

      1. yy

        咁知唔知依家2017年可唔可以照拎張信用卡免費入去,唔洗簽帳呀~Thanks

        1. 小斯

          我收到風銀聯會一樣照可以入到lounge呀

          1. Charles

            即係不理我幾時有DIAMOND同有冇簽…總之17年有3次QUOTA 啦…

          2. 小斯


            1月1日至12月31日有3個quota

  76. Momo

    海外簽賬(免手續費):$1 = 1分 / $12 =1里
    ($300以上) $1= 2分 / $6 = 1里

    Hello 小斯請問而家海外簽賬仲係呢張信用卡最抵嗎? 以上條款仲存在? 謝謝~

    1. 小斯

      仲有呀
      呢張抵呀
      不過都係個句
      有折先用銀聯
      無折用hsbc visa signature 會抵啲

  77. DL

    如用信用卡到機場中華書店$1換雜誌,係用邊張卡,用銀聯鑽石定白金visa?

    1. 小斯

      銀聯鑽石

  78. Momo

    Hi 小斯
    請問如果我海外簽賬
    應該優先用喱張交行銀聯卡,還是用bea flyer world , 或者 dbs black world 好呢?
    因為dbs又好似幾抵有里數,但喱張又冇手續費喎
    求解答!謝謝

    1. 小斯

      有折用銀聯
      無折用DBS BLACK CARD

  79. Man

    請問依家迎新優惠係咪改左? 我想申請但睇到官網話簽$4500只有30000積分,要申請埋銀聯卡,各簽$4500 先有60000積分(每張卡30000分),換里數手續費要俾兩次~

    1. 小斯

      係呀
      改佐
      我都未得閒update

      1. Man

        唔該曬🙏🏻🙏🏻

  80. Carmen

    HI 小斯見這張CARD 迎新優惠:簽$4,500有60,000積分,即係5,000里

    本身繼續有大大簽帳額啦, 已申請所有你推介0既渣打, HSBC, 東亞, AE, CITIBANK & DBS card 。 咁如果繼續食下迎新, 係咪食埋哩張交行及上商0既迎新最好? 儲開AM, 食大新英航或大新ANA 係咪會蝕左?

    THANKS

    1. 小斯

      張卡迎新改佐
      俾d 時間我update
      你簽乜呀?
      仲有hsbc可以申請
      大新英航都抵呀
      英航里數唔會過期
      無所謂呀

      1. Carmen

        Ha,你唔想講但前排教大家的酒席呀。 我HSBC 舊客上個月開左白金食左迎新喇。

        咁我食埋上商同英航啦。至於交行,比上商差定再好d? thanks!!!

        1. 小斯

          好過上商既lol
          你仲有咩卡未食呀?
          https://flyformiles.flyday.hk/6434

          1. Carmen

            你入面推介果D 都食左嚕, CITIBANK 過緊冷河。所以就睇下仲有咩食得就得, 唔好SIDE 😛

          2. 米仔

            我都係咁既情況,所有喺小斯入面post既大額迎新,唔係食哂就係過緊冷河,包括HSBC, Citi, SC, BEA, CX, 又唔想俾2000年費申請Amex, 而黎緊又有酒席款要俾。

            我見尋日出左個交行優惠post, 如果出卡配合到既話,應該可以賺到較為理想既Asia Miles

  81. Kp

    請問呢張卡係外國網站用港幣交易(超過300),咁有冇雙倍積分?唔該

    1. 小斯

  82. CARMEN

    小斯, 想問問你意見。 原本諗住AM 哩張, 7月夠一年 CUT 0既 (平時都係食飯多, 之後諗住用HSBC 代替), 等過半年冷河再食迎新。 但東亞八達通自動增值玩野後, 得哩張AM 同交行 ($500) 係6蚊。 而本身都打算申請交行食迎新, 你會建議繼續KEEP AM for 八達通? 定係照CUT AM 再食迎新好過,八通達用交行呢? THANKS

    1. 小斯

      照CUT AM 再食迎新好過
      八通達用交行

  83. ceci

    交行呢張可以換鳳凰嗎?

    1. 小斯

      可以

  84. Alan

    小斯你好, 我已經有一張 HSBC 銀聯, 而加要網上預約先入到 lounge. 咁以你所知銀聯可唔可以免費帶多一個人入去?
    如果唔得, 咁我申請多張第二間可入lounge既銀聯, 咁又可唔可以免費帶多一個人入?
    嗜係到時我 show 兩張我個名既銀聯卡出黎, 我同朋友 total 兩個人入, 你知唔知咁樣得唔得?
    Thanks!!

    1. 小斯

      唔可以
      你得一張卡,佢入你就無得入

      如果唔得, 咁我申請多張第二間可入lounge既銀聯, 咁又可唔可以免費帶多一個人入?
      嗜係到時我 show 兩張我個名既銀聯卡出黎, 我同朋友 total 兩個人入, 你知唔知咁樣得唔得?
      –》條款上就唔得既!
      但只要你show到多過一張入到lounge既卡俾職員睇
      咁職員都會以一張卡一個人入既原則俾你免費入
      但當然唔係一定得啦
      因為只係香港lounge比較鬆
      所以如果真係咁唔好彩唔俾你入都唔好發爛渣呀!

  85. CC

    請問用邊張咭係日本/海外網購儲積分換AM最抵?
    我經常係日本及英國網站購物 XD

    1. 小斯

      HSBC VISA SIGNATURE
      再揀海外做類別

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Advertisement