兌換機票 - 美洲篇 Archives

Category Archive: 兌換機票 – 美洲篇

Jan 18

黃刀極光之旅第一彈:如何用里數去加拿大黃刀鎮

加拿大黃刀鎮,相傳係全球最易睇到北極光既地方,一年大約有260日都可以睇到極光。而小斯就喺岩岩個聖誕去佐黃刀鎮,果然俾我第一晚就睇到一直俾吳若希洗腦既我要與你去看極地曙光啦!咁當然我係用里數換去架啦!就等我分享個行程俾大家啦! 首先,要去黃刀鎮,行程一般係: 香港HKG->溫哥華YVR 溫哥華YVR->黃刀鎮YZF 黃刀鎮YZF->溫哥華YVR 溫哥華YVR->香港HKG 所以即係換機票的話,就要拆開香港<->溫哥華、溫哥華<->黃刀鎮去換啦!點解你睇落去就會明架啦! – 香港HKG<->溫哥華YVR 咁香港來回溫哥華,儲開AM既我地,好簡單就咁換國泰來回就得啦! 而且時間仲幾靚!去程有午機去午機到同凌晨機去夜機到選擇;回程唔使講梗係揀凌晨機去早機到啦!而且稅同燃油都唔貴,$644架喳!Econ要60,000里,Business就120,000里,小斯強烈建議大家換Business,國泰長途個Business好鬼舒服的!但呢個方法有個缺點,就係好難換 🙁 可能溫哥華太多華人,搞到隻機一般都好full,就算Business都係咁話,所以有時就算你好早換都會無位,唯一辦法就係轉機! 轉機最方便既地方就梗係經東京啦!又多個藉口可以去東京買野,嘻嘻!大家可以坐日航或國泰或港龍去到東京先,然後再坐日航去溫哥華。如果咁換的話,其實基本上日日都有位咁制,而來回個時間小斯覺得都幾OK!hea下hea下咁幾舒服! 我岩岩聖誕個行程就係先去日本過平安夜,然後玩幾日東京,再坐去溫哥華,最後再由溫哥華經東京返香港。呢個行程就比直航溫哥華易換好多啦!但缺點就係要轉機,同埋日航business唔太好坐,喺下個post我會分享有幾唔好坐!咁樣換一樣都係來回Econ 60,000里、Business 120,000里。 但係大家都知,am係有2個stopover、2個transit同1個openjaw架啦!小斯就建議大家可以去程直航去溫哥華,然後回程先經東京返香港,咁就可以shop幾日ping啦!而且日航可以拎3個喼架!嘿!哈哈哈哈!咁樣換都係來回Econ 60,000里、Business 120,000架喳!   – 溫哥華YVR<->黃刀鎮YZF 溫哥華去黃刀鎮,係無直航既,點都要轉一次,一般喺Calgary或者Edmonton轉。營運既航班就只有Air Canada同Westjet,而Air Canada係屬於Star Alliance,即係無得用AM換啦!所以就只能用United Airlines去換啦! 用United換,就只屬25,000里同俾$115就可以換到來回溫哥華YVR<->黃刀鎮YZF。 其實咁換係幾抵既!因為你買既話,一般平極都要$2,500,時間靚仔少少既都起碼要$3,000至$4,000,而且Westjet更加係廉航黎,唔包寄艙行李,需要另外俾錢去買行李!所以咁樣換用25,000換Air Canada去係好鬼抵!不過咁樣換缺點就係好難換,我都換唔到呀!嗚! 不過,俾個經驗大家,一般買機票最平個班機多數都係Westjet,去程成朝早6點鐘,跟住回程又係朝早6點鐘,但其實咁樣都無乜問題!因為溫哥華機場離市區都幾近,其實搭的士去$200港紙內實得;然後回程就算係朝早6點鐘,好多酒店都有Shuttle Bus,所以就算係啲咁爛既時間,都可以放心照買啦!而且可以用盡晒時間,岩晒爛玩既我地,哈哈哈! 係第二彈會想同大家分享下日航隻787 business有幾唔好坐-_-

Oct 22

兌換獎賞機票實例全集

大家成日都話唔知點樣用盡啲里數去個爽YY既旅行好,小斯就決定收集自己同大家曾經換過既行程,以供大家參考!歡迎報料!   亞洲萬里通兌換機票的基本規則如下: 航班除可於目的地停留外,均可在起點、轉機點或回程點作兩次中途停留、兩次轉機(在該點逗留不超過24小時為轉機)及一次缺口行程(Open Jaw)。   定義: 停留(stop-over):是指到達某一城市至坐另一班機離開之間超過24小時的行程中斷,如不超過24小時,則只當為轉機(transfer或transit)。 Open-jaw(開口機票):是指到達的城市不同於離開的城市的行程,如在起點作Open-jaw,則是回程最後回到不同於起點的城市,但必須仍在同一國家內,而香港、台灣、澳門與中國大陸則被視為不同國家。    15000 Asia Miles – 台灣 香港–>台中/高雄 (openjaw) 台北–>香港   22000里ANA – 韓國 香港–>首爾 (停留) 首爾–>釜山 (自己駁) 釜山–>濟州 (停留) 濟州–>首爾 (轉機,可停留24小時,買唔夠既,再出返去首爾買過!) 首爾–>香港   30000 Asia Miles – 日本 香港–>関西空港 (Stopover) 関西空港KIX–>札幌CTS (Openjaw) 函館空港HKD–>東京HND (Stopover) 東京HND–>香港HKG 香港–>沖縄(Stopover) 沖縄–>羽田/成田(Openjaw) 関西 OR 羽田/成田–>札幌 (Stopover) 札幌–>香港 OR 札幌–>成田(Transit)–>香港   – 日本 +韓國 …

Continue reading »

Advertisement